លោក ថេង សុថុល អភិបាលខណ្ឌ៧មករា បានបើកកិច្ចប្រជុំនិងពិភាក្សាការងារ សន្តិសុខ សណ្តាប់ធ្នាប់សាធារណៈក្នុងមូលដ្ឋាន

(ភ្នំពេញ)៖ នារសៀលថ្ងៃព្រហស្បតិ៍ ៩កើត ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៦ ខែកុម្ភៈ ឆ្នាំ២០២៥ លោក ថេង សុថុល អភិបាល នៃគណៈអភិបាលខណ្ឌ៧មករា បានបើកកិច្ចប្រជុំពិភាក្សាលើការងារមួយចំនួនដូចជា៖ ការងារសន្តិសុខ និងសណ្តាប់ធ្នាប់សាធារណៈក្នុងមូលដ្ឋាន, ការងារអភិវឌ្ឍមូលដ្ឋាន, ការងារពិនិត្យពិភាក្សា និងរកដំណោះស្រាយលើសំណើ និងសំណូមពររបស់ប្រជាពលរដ្ឋដែលបានលើកឡើងក្នុងវេទិកាពិគ្រោះយោបល់របស់ក្រុមប្រឹក្សារាជធានីភ្នំពេញជាមួយប្រជាពលរដ្ឋក្នុងខណ្ឌ៧មករា។