គណៈកម្មាធិការពិគ្រោះយោបល់កិច្ចការស្ត្រីនិងកុមារខេត្តកណ្តាល បើកកិច្ចប្រជុំសាមញ្ញលើកទី៥៤ អាណត្តិទី៣ ប្រចាំខែមករា ឆ្នាំ២០២៤

(ខេត្តកណ្ដាល)៖ ព្រឹកថ្ងៃទី៣១ ខែមករា ឆ្នាំ២០២៤ គណៈកម្មាធិការពិគ្រោះយោបល់កិច្ចការស្ត្រី និង កុមារខេត្តកណ្តាល បានបើកកិច្ចប្រជុំសាមញ្ញលើកទី៥៤ អាណត្តិទី៣ ប្រចាំខែមករា ឆ្នាំ២០២៤ ក្រោមអធិបតីភាពលោកជំទាវ ប៊ុន រមណី សមាជិកក្រុមប្រឹក្សាខេត្តកណ្តាល និងជាអនុប្រធានគណៈកម្មាធិការពិគ្រោះយោបល់កិច្ចការស្ត្រី និង កុមារខេត្តកណ្តាល។

កិច្ចប្រជុំបានអនុម័តលើរបៀបវារៈរួមមាន៖

១. ពិនិត្យ ពិភាក្សា និងអនុម័តកំណត់ហេតុកិច្ចប្រជុំសាមញ្ញ (លើកទី៥៤) អាណត្តិទី៣ ប្រចាំខែធ្នូ របស់គ.ក.ស.ក ខេត្ត កណ្តាល ឆ្នាំ២០២៣ ។

២. ពិនិត្យ ពិភាក្សា និង អនុម័តរបាយការណ៍លទ្ធផលការងារគ.ក.ស.ក ខេត្តកណ្តាល ប្រចាំខែមករា ឆ្នាំ២០២៤។

៣. របាយការណ៍ និង ពិភាក្សាអំពីស្ថានភាពស្ត្រី យុវវ័យ កុមារ និងជនងាយរងគ្រោះ ក្នុងវិស័យពាក់ព័ន្ធនានា។

៤. ពិនិត្យ ពិភាក្សា និង អនុម័តផែនការសកម្មភាពរបស់ គ.ក.ស.ក ខេត្តកណ្តាល ប្រចាំខែកុម្ភៈ ឆ្នាំ២០២៤។